الجزیرہ کی شہید صحافی شیریں ابوعاقلہ کے تابوت کو اسرائیلی فوج نے گرا دیا
یروشلم (پاک ترک نیوز) الجزیرہ کی شہید خاتون صحافی شیریں ابو عاقلہ کے تابوت لے جانے والے جلوس پر اسرائیلی فوج نے دھاوا بول دیا جس کے باعث تابوت زمین پر گر گیا ۔
سوشل میڈیا پر گردش کرنے والی ایک ویڈیو پر دنیا بھر کے لوگ غصے کا اظہار کر رہے ہیں جس میں اسرائیلی فورسز میت کی بے حرمتی کر رہی ہے۔
Watch: Violence erupts as Al Jazeera journalist #ShireenAbuAkleh’s coffin emerges from a #Jerusalem hospital ahead of her burial procession.https://t.co/Q9anriHv7Y pic.twitter.com/WZ1NcKGxUn
— Al Arabiya English (@AlArabiya_Eng) May 13, 2022
یروشلم میں قابض اسرائیلی فوج آخری رسومات کیلئے صحافی شیریں ابو عاقلہ کا تابوت لے جانے والے جلوس پر ٹوٹ پڑی جس کے باعث بھگدڑ مچنے سے میت سمیت تابوت زمین پر گرگیا۔
جلوس کے شرکا نے اسرائیلی مظالم کے خلاف شدید نعرے بازی کی اور مظاہرین کی فورسز سے جھڑپیں بھی ہوئیں۔
دو روز قبل اسرائیلی فورسز نے شیریں ابو عاقلہ کو گولی مار کر شہید کر دیا تھا۔ صحافی شیریں کو رپورٹنگ کے دوران گولی لگی، زخمی حالت میں انہیں ہسپتال منتقل کیا گیا جہاں وہ زخموں کی تاب نہ لا کر جاں بحق ہوگئی تھیں۔
الجزیرہ ٹی وی کا کہنا تھا کہ اسرائیلی فورسز نے شیریں کو اس وقت سر میں گولی ماری جب وہ مقبوضہ مغربی کنارے کے جنین میں رپورٹنگ کر رہی تھیں۔