تحریک انصاف نے ڈاکٹر یاسمین راشد کو وسطی پنجاب کا صدر بنا دیا
لاہور: (ویب ڈیسک) پاکستان تحریک انصاف نے سابق صوبائی وزیر صحت ڈاکٹر یاسمین راشد کو وسطی پنجاب کا صدر بنا دیا ۔
تفصیلا ت کے مطابق پاکستان تحریک انصاف پنجاب میں تنظیمی عہدوں پر تبدیلیاں کر دی گئی ہیں، حماد اظہر جنرل سیکرٹری وسطی پنجاب، عامر کیانی صدر شمالی پنجاب، سینیٹر عون عباس بپی صدر جنوبی پنجاب مقرر کیے گئے ہیں، ان کی تعیناتی نوٹیفکیشن جاری کر دیا گیا ہے۔
پی ٹی آئی رہنما فرخ حبیب نے سماجی رابطے کی ویب سائٹ ٹویٹر پر لکھا کہ پاکستان تحریک انصاف (پی ٹی آئی) کے چیئر مین عمران خان کی منظوری کے بعد مرکزی جنرل سیکرٹری اسد عمر نے ڈاکٹر یاسمین راشد کو وسطی پنجاب کا صدر مقرر کر دیا ہے۔
انہوں نے مزید لکھا کہ حماد اظہر جنرل سیکرٹری وسطی پنجاب، عامر کیانی صدر شمالی پنجاب، سینیٹر عون عباس بپی صدر جنوبی پنجاب مقرر کیے گئے ہیں، ان کی تعیناتی نوٹیفکیشن جاری کر دیا گیا ہے۔