روسی بحریہ کو ہاپرسونک زرکون کروز میزائل جلد دیئے جائیں گے ،ولادی میر پیوٹن

سینٹ پیٹرز برگ(پاک ترک نیوز) روس کے صدر ولادی میر پیوٹن کا کہنا ہے کہ روسی بحریہ کو ہائپر سونک زرکون کروز میزائل جلد فراہم کئے جائیں گے ۔روسی صدر نے امریکا کو بڑا دشمن قرار دے دیا۔
روسی صدر ولادی میر پیوٹن نے نیوی ڈے کے موقع پرسینٹ پیٹرزبرگ میں تقریب میں شرکت کی اورنئے نیول ڈاکٹرین پردستخط کئے۔ روسی نیوی ڈاکٹرین میں امریکا کو سب سے بڑا دشمن قرار دیا گیا ہے۔
روسی صدر پیوٹن نے کہا کہ روس کی افواج کسی بھی جارحیت کو شکست دینے کی صلاحیت رکھتی ہیں۔ انہوں نے آنے والے مہینوں میں بحریہ کو ہاپرسونک زرکون کروز میزائل دینے کا اعلان بھی کیا۔
روس کے 55 صفحات پر مشتمل نئے نیول ڈاکٹرین میں روسی بحریہ کے اسٹریٹیجک اہداف کو بیان کیا گیا ہے جس میں دنیا کی عظیم میری ٹائم طاقت بننا بھی شامل ہے۔ امریکا کی دنیا کے سمندروں پرحکمرانی کی اسٹریٹیجک پالیسی کوروس کے لئے بڑا خطرہ قرار دیا گیا ہے۔