ویمنز ایشیا کپ ،بھارت نے فائنل میں سری لنکا کو شکست دیدی

سلہٹ(پاک ترک نیوز) بنگلہ دیش میں جاری ویمنز ایشیا کپ میں بھارتی ویمنز ٹیم نے سری لنکن خواتین کو فائنل میں 8وکٹوں سے شکست دیدی۔بھارتی ویمنز ٹیم نے 66رنزکا ہدف محض 2وکٹوں کے نقصان پر پورا کرلیا ۔
تفصیلات کےمطابق ویمنز ایشیا کپ 2022کے فائنل میں سری لنکا ویمنز ٹیم نے ٹاس جیت کر پہلے بیٹنگ کا فیصلہ کیا جو زیادہ کارگر ثابت نہ ہوا اور سری لنکن خواتین نے مقررہ 20اوورز میں 9وکٹوں کے نقصان پر 65رنز بنائے۔سری لنکن ویمنز ٹیم کی جانب سے انوکا راناویرا نے 18جبکہ اوشادی نے 13رنز بنائے ۔ باقی کوئی سری لنکن کھلاڑی ڈبل فیگر میں بھی داخل نہیں ہو سکی۔
بھارت کی جانب سے رنوکا سنگھ نے 3راجشوری اور سنیا رانا نے دو دو کھلاڑیوں کو آئوٹ کیا ۔
بھارتی ویمنز ٹیم نے مطلوبہ ہدف 2وکٹوں کے نقصان پر پورا کرلیا ۔ سمرتی نے 51رنز کی اننگز کھیلی ۔سری لنکن بائولر دلہاری اور رانا ویرا نے ایک ایک وکٹ حاصل کی۔