ٹرپل گرینڈ سلیم چیمپیئن اینجلیک کربر فرانسیسی اوپن سے باہر ہو گئیں

پیرس (پاک ترک نیوز)
ٹرپل گرینڈ سلیم چیمپیئن اینجلیک کربر 2022 کے فرانسیسی اوپن (رولینڈ گیروس) کے تیسرے راؤنڈ میںاپنی بیلاروسی حریف الکاسانڈرہ ساسنووچ کے ہاتھوں شکست کے بعد تورنامنٹ سے باہر ہوگئیں۔گذشتہ شب یہاںسائمن میتھیو کورٹ پر کھیلے گئے میچ میں28 سالہ ساسنووچ نے 6-4 اور 7-6 (7-5) کےسکورسے میچ جیتا۔
34 سالہ کربر نے خواتین کے سنگلز میں 2016 آسٹریلین اوپن، 2016 یو ایس اوپن، اور 2018 ومبلڈن جیتا تھا۔
اسے 2016 کے ریو اولمپکس میں سنگلز ٹینس میں جرمنی کے لیے چاندی کا تمغہ بھی دیا گیا تھا۔
چوتھے راؤنڈ میں ساسنووچ کا مقابلہ اطالوی کھلاڑی مارٹینا ٹریویسن سے ہوگا جنہوں نے تیسرے راؤنڈ میں آسٹریلیا کی ڈاریا سیویل کو 6-3 اور 6-4 کے سیٹس سے ہرایا ہے۔