بے نظیر بھٹو شہید کی برسی آج منائی جا رہی ہے

کراچی / گڑھی خدا بخش(پاک ترک نیوز) سابق وزیراعظم محترمہ بے نظیر بھٹو شہید کی 14ویں برسی آج منائی جارہی ہے ۔ مرکزی تقریب گڑھی خدا بخش میں ہو گی جس سے بلاول ودیگر خطاب کریں گے۔
تفصیلات کےمطابق پیپلز پارٹی کی چیئرپرسن اور عالم اسلام کی پہلی خاتون وزیر اعظم محترمہ بے نظیر بھٹو شہید کی 14ویں برسی آج منائی جائیگی، تمام انتظامات مکمل ہیں، ملک کے مختلف مقامات سے برسی میں شرکت کیلیے کارکنوں کی آمد کا سلسلہ جاری ہے جب کہ بلاول بھٹو اورمرادشاہ بھی پہنچ گئے۔
بلاول نے اسلامی دنیا کی پہلی منتخب وزیراعظم و پارٹی چیئرپرسن شہید محترمہ بینظیر کوچوھودیں یوم شہادت پر شاندار الفاظ میں خراج عقیدت پیش کرتے ہوئے ایک پیغام میں کہاکہ بینظیر بھٹو ایک تحریک و مشعلِ راہ ہے، اور قوم ان کے قومی جذبے، طویل جدوجہد و مضبوط قیادت کو کبھی فراموش نہیں کرے گی۔
ادھر جنرل سیکرٹری نیئربخاری نے کہاہے کہ 27 دسمبر ملک کی تاریخ کا سیاہ ترین دن ہے،اس دن بینظیر بھٹو کو شہید کر کے ملک کو کئی صدیاں پیچھے دھکیلا گیا۔
ملک کے تمام چھوٹے بڑے شہروں میں پیپلز پارٹی کے زیر اہتمام قرآن خوانی اوردعائیہ تقریبات ہورہی ہیں اور محترمہ بے نظیر بھٹو شہید کو خراج عقیدت پیش کیا جارہا ہے، شمعیں روشن کی جارہی ہیں۔پیپلزپارٹی سندھ کے صدرنثارکھوڑونے کہاکہ پی ٹی آئی کے پی الیکشن ہاری، زرداری کیساتھ خیمے لگانے لاہور جائیں گے۔