تحریک انصاف آج کراچی میں پاور شو کر ے گی

کراچی (پاک ترک نیوز) پاکستان تحریک انصاف آج کراچی میں میدان سجائے گی ۔ سابق وزیراعظم اور چیئرمین پی ٹی آئی عمران خان جلسے سے خطاب کریں گے ۔انتظامیہ نے جلسے کی تیاریوں کو حتمی شکل دیدی ہے ۔

تفصیلات کے مطابق پاکستان تحریک انصاف آج کراچی میں بڑا پاور شو کرے گی ۔ چیئرمین پی ٹی آئی عمران خان آج شام جلسے سے خطاب کریں گے ۔ پی ٹی آئی کے دیگر قائدین بھی جلسہ سے خطاب کریں گے ۔سکیورٹی کے سخت انتظامات کئے گئے ہیں ۔ پولیس اور رینجرز اہلکار تعینات کر دیئے گئے ۔عوامی کی کثیر تعداد کی آمد متوقع ہے ۔
دوسری تحریک انصاف کو کراچی میں ہفتہ 16 اپریل کو جلسے کی اجازت مل گئی۔پی ٹی آئی کو کراچی میں کل جلسے کی اجازت مل گئی جلسے کے لیے این او سی ڈپٹی کمشنر شرقی نے جاری کیا، انتظامیہ کی جانب سے 20 شرائط سے مشروط اجازت نامہ جاری کیا گیا۔
انتظامیہ کا کہنا ہے کہ پی ٹی آئی کو جلسہ رات 12 بجے تک نمٹانا ہوگا، جلسے میں ملکی نظریات، مذہب کے خلاف کوئی تقریر نہیں ہوگی۔
انتظامیہ کے مطابق جلسے میں اسلحہ کا استعمال ممنوع ہوگا، جلسے کی داخلی سیکیورٹی آرگنائزر کی ذمہ داری ہوگی۔
ڈپٹی کمشنر شرقی کا کہنا ہے کہ احکامات کی عدم پیروی کی صورت میں قانونی کارروائی کی جائے گی۔