سابق کپتان جاوید میانداد بھی پی سی بی ہال آف فیم کا حصہ بن گئے

لاہور(پاک ترک نیوز) پاکستان کرکٹ ٹیم کے سابق کپتان جاوید میانداد بھی پی سی بی ہال آف فیم کا حصہ بن گئے ۔سابق کپتان کو چیف ایگزیکٹو پی سی بی فیصل حسنین نے پی سی بی ہال آف فیم میں شمولیت پر اعزازی ٹوپی اور پلاک پیش کی۔
انہوں نے مزید کہا کہ وہ خوش قسمت ہیں کہ انہیں اپنے دور میں بہترین کھلاڑیوں کا ساتھ نصیب ہوا، جنہوں نے ہمیشہ ان کی حمایت اور حوصلہ افزائی کی، وہ کیرئیر میں بھرپور حوصلہ افزائی کرنے پر پاکستانی عوام کے بھی مشکور ہیں۔

Javed Miandad receives a plaque and a cap as he gets inducted into the PCB Hall of Fame ???? pic.twitter.com/xi9vjV9dBd

— Pakistan Cricket (@TheRealPCB) March 19, 2022

اس موقع پر جاوید میانداد کا کہنا تھا کہ پی سی بی ہال آف فیم کا حصہ بننا یقیناً ایک اعزاز کی بات ہے ۔ ان کا کہنا تھا کہ جب بھی وہ میدان میں اترتے تھے تو وہ ٹیم اور اپنے ملک کی کامیابی میں اپنا حصہ ڈالنے کی ہر ممکن کوشش کیا کرتے تھے۔
جاوید میانداد کا کہنا تھا کہ وہ اچھی اننگز کو ماضی میں چھوڑ کر مستقبل پر نظر جمایا کرتے تھے اور کوشش ہوتی تھی کہ وہ اپنی غلطیوں سے سبق سیکھ کر اگلے میچ میں بہترین کارکردگی پیش کریں۔
پی سی بی کے چیف ایگزیکٹو فیصل حسنین کا اس موقع پر کہنا تھا کہ وہ جاوید میانداد کو باضابطہ طور پر پی سی بی ہال آف فیم میں شامل ہونے پر مبارکباد پیش کرتے ہیں۔ یہ ان کی کرکٹ کے لیے بے پناہ خدمات کا اعتراف ہے۔
جاوید میانداد نے 1975سے لیکر 1996تک ملک کی نمائندگی کی ۔ انہوں نے 357ون ڈے میچز میں 31سنچریوں کی مدد سے 16213رنز بنائے ۔انہوں نے پانچ ورلڈکپ میں پاکستان کی نمائندگی کی۔
یاد رہے کہ اس سے قبل وسیم اکرم، فضل محمود اور ظہیر عباس بھی پی سی بی ہال آف فیم کا باضابطہ حصہ بن چکے ہیں۔