سری لنکا کے 378رنز کے جواب میں پاکستان کی بیٹنگ جاری

کولمبو (پاک ترک نیوز) سری لنکا کے شہر گال میں جاری دو ٹیسٹ میچوں کی سیریز کے دوسرے ٹیسٹ میچ میں میزبان سری لنکا کے 378رنز کے جواب میں پاکستان کی پہلی اننگز میں بیٹنگ جاری ہے ۔ پاکستان نے اپنی پہلی اننگز میں ایک وکٹ کے نقصان پر 32رنز بنا لئے ہیں اور اسے خسارہ پور کرنے کیلئے مزید364رنز درکار ہیں۔ پاکستان کی جانب سے آئوٹ ہونیوالے کھلاڑی عبداللہ شفیق ہیں جو بغیر کوئی رنز بنائے پویلین لوٹ گئے ۔ انہیں فرنینڈو نے بولڈ کیا۔
اس سے قبل سری لنکا نے اپنی پہلی اننگز میں 378رنز بنائے ہیں ۔ دنیش چندی مال نے 80،ڈکوالا نے 51جبکہ فرنینڈو نے 50رنز بنائے تھے ۔
پاکستان کی جانب سے نسیم شاہ اور یاسر شاہ نے تین تین جبکہ محمد نواز نے دو کھلاڑیوں کو آئوٹ کیا ۔
یاد رہے کہ دو ٹیسٹ میچوں کی سیریز میں پاکستان کو سری لنکا پر ایک صفر کی ناقابل شکست برتری حاصل ہے۔1