نجم سیٹھی کو دوبارہ چیئرمین پی سی بی بنائے جانے کا امکان

لاہور(پاک ترک نیوز) رمیز راجہ کی جگہ چیئرمین پی سی بی کا عہدہ دوبارہ نجم سیٹھی کو ملنے کا امکان ظاہر کیا جارہاہے ۔وزیر اعظم شہباز شریف سے نجم سیٹھی نے ملاقات کی، جس کے بعد انہیں دوبارہ چیئرمین پی سی بی بنانے کا امکان ظاہر کیا جا رہا ہے۔
نجم سیٹھی لاہور میں ظہرانے پر وزیر اعظم شہباز شریف سے ملے، جس میں صدر مسلم لیگ ن نے انہیں دوبارہ چیئرمین پی سی بنانے کا اشارہ دے دیا، وزیر اعظم نے پی سی بی کا 2014 کا آئین بحال کرنے کا بھی عندیہ دے دیا ہے۔
2014 کے آئین کی بحالی کے بعد ڈیپارٹمنٹ کرکٹ کی بحالی بھی ممکن ہو سکے گی، ذرائع کا کہنا ہے کہ آئی پی سی کی جانب سے کسی بھی وقت چیئرمین پی سی بی کو تبدیل کرنے کی سمری بھجوائی جا سکتی ہے۔