ٹی ٹونٹی ورلڈ کپ ، آسٹریلیا نے افغانستان کو شکست دیدی

ایڈیلیڈ (پاک ترک نیوز) ٹی ٹونٹی ورلڈ کپ کے سپر 12مرحلے میں آسٹریلیا نے افغانستان کو 4رنز سے شکست دیدی۔
تفصیلات کے مطابق ٹی ٹونٹی ورلڈ کپ کے سپر 12مرحلے میں آسٹریلیا نے افغانستان کو ہرا کا پوائنٹس ٹیبل پر دوسری پوزیشن حاصل کرلی۔
افغانستان 169رنز کے ہدف کے تعاقب میں 164رنز پر ہمت ہار گئی۔ افغانستان نے ٹاس جیت کر آسٹریلیا کو بیٹنگ کی دعوت دی۔
دفاعی چیمئپن آسٹریلیا نے مقررہ بیس اوورز میں 8وکٹوں کے نقصان پر 168رنز بنائے تھے ۔ آسٹریلیا کی جانب سے میکسویل نے ناقابل شکست 54رنز کی اننگز کھیلی ۔ مچل مارش نے 45،وارنر اور سٹونئس نے 25،25رنز بنائے۔
افغانستان کی جانب سے نوید الحق نے 3جبکہ فاروقی نے 2کھلاڑیوں کو آئوٹ کیا ۔
افغان ٹیم 168رنز کے ہدف کے تعاقب میں 164رنز بنا سکی ۔راشد خان نے ناقابل شکست 45جبکہ گلبدین نائب نے 36اور گرباز نے 30رنز بنائے ۔
آسٹریلیاکی جانب سے ہیزل ووڈ اور زمپا نے دو دو کھلاڑیوں کو آئوٹ کیا۔