پاکستان سپر لیگ 7 کی افتتاحی تقریب کی ریہرسل

کراچی (پاک ترک نیوز ) پاکستان سپرلیگ کے ساتویں سیزن 27 جنوری سے نیشنل اسٹیڈیم میں شروع ہورہا ہے ۔
افتتاحی تقریب کی کراچی کے نیشنل اسٹیڈیم میں ریہرسل کی گئی ۔ نیشنل اسٹیڈیم کی لائٹس کو بند کرکے ڈسکو لائٹس لگا کر چیک کیا گیا ۔
کورونا وبا کی وجہ سےرنگا رنگ افتتاحی تقریب کو محدود پیمانے پر ہی رکھا گیا ہے ۔
پی ایس ایل سیزن سیون کا آفیشل سانگ آگے دیکھ عاطف اسلم اور آئمہ بیگ نے گایا ہے ۔ جس پر ملا جلا ردعمل دیکھنے میں آرہا ہے ۔
پی ایس ایل 7 کی افتتاحی تقریب کے بعد پہلا میچ ہی دھماکے دار ہے ۔
سیزن 6 کی چیمپئن ٹیم ملتان سلطانز نیشنل اسٹیڈیم میں مضبوط حریف کراچی کنگز سے ٹکرائے گی ۔
کراچی کنگز کے کپتان بابراعظم ہیں اور ملتان سلطانز کی کیپ محمد رضوان کے سر پر ہے ۔
قومی کرکٹ ٹیم کے کپتان اور نائب کپتان پی ایس ایل میں بتائیں گے کہ کس میں کتنا ہے دم ۔