پاکستان کیخلاف پہلے ٹیسٹ میچ کیلئے بنگلہ دیشی سکواڈ کا اعلان

ڈھاکہ(پاک ترک نیوز) دو میچوں پر مشتمل سیریز کے پہلے ٹیسٹ میچ کیلئے بنگلادیش کرکٹ بورڈ نے 16 رکنی سکواڈ کا اعلان کردیا ہے ۔
مومن الحق ٹیم کی قیادت کریں گے جبکہ مشفیق الرحیم کی ٹیم میں واپسی ہوئی ہے۔شادمان اسلام، سیف حسن، نجم الحسن شانتو ۔لٹن کمار داس، نورالحسن سوہن، مہدی حسن میراز ، نعیم حسن، تیج الاسلام، عبادت حسین چودھری، ابو جاوید چودھری ،علی راہی، یاسر علی محمود الحسن جوئے، راجا الرحمن شامل ہیں ۔شکیب الحسن کی شمولیت فٹنس سے مشروط ہے جبکہ تمیم اقبال سکواڈ میں شامل نہیں ہیں۔
یاد رہے کہ پاکستان اور بنگلا دیش کے مابین پہلا ٹیسٹ میچ 26 نومبر سے چٹاگانگ میں کھیلا جائے گا جبکہ دوسرا اور آخری ٹیسٹ میچ 4 دسمبر سے ڈھاکہ میں کھیلا جائے گا۔