2گھنٹے سے زیادہ لوڈشیڈنگ قابل برداشت نہیں ،وزیراعظم شہباز شریف

اسلام آباد (پاک ترک نیوز) وزیر اعظم شہباز شریف کا کہنا ہے کہ کوئی سمجھوتہ نہیں کچھ بھی بکریں 2گھنٹے سے زیادہ لوڈشیڈنگ برداشت نہیں ہے ۔
تفصیلات کے مطابق وزیراعظم شہبازشریف کی زیر صدارت بجلی کی لوڈشیڈنگ سے متعلق اجلاس ہوا،وزیراعظم نے بجلی کی لوڈ شیڈنگ میں اضافے پر شدید برہمی کا اظہار کیا ۔
وزیراعظم کی زیر صدارت اجلاس میں توانائی بحران پر مشاورت کی گئی۔ لوڈشیڈنگ کی وجوہات، محرکات اورسدباب کیلئےاقدامات کاجائزہ لیا گیا۔
انہوں نے کہا ہےکہ کچھ بھی کریں،2 گھنٹےسےزیادہ لوڈشیڈنگ برداشت نہیں۔عوام کومشکل سےنکالیں،کوئی وضاحت نہیں چاہیے۔عوام کو بجلی کی لوڈشیڈنگ سےنجات چاہیے۔
وزیراعظم نے لوڈشیڈنگ میں اضافےپربرہمی کا اظہار کرتے ہوئے متعلقہ حکام کی وضاحتوں کو مسترد کردیا۔ وزیر اعظم کا کہنا ہے کہ عوام تکلیف میں ہیں،اس پرکوئی سمجھوتہ نہیں ہوگا۔
وزیر اعظم کی سرکاری افسران کو ہدایت کرتے ہوئے کہا ہے کہ عوام کی مشکلات کو حل کرنا ہماری ذمہ داری ہے۔لوڈشیڈنگ کے خاتمے کے لیے شارٹ اور لانگ ٹرم پلان تیار کیا جائے۔
انہوں نے کہاہے کہ شارٹ ٹرم پلان کے تحت لوڈشیڈنگ کے دورانیہ میں فوری واضح کمی لائی جائے۔ وزیر اعظم نے سستی اور وافر مقدار میں بجلی پیدا کرنے کے منصوبوں پر کام کرنے کہ بھی ہدایت کی ۔