محمد حارث آج ٹی20 انٹرنیشنل میں ڈیبیو کریں گے
لاہور(پاک ترک نیوز) وکٹ کیپر بیٹر محمد حارث آج ٹی ٹونٹی انٹرنیشنل کرکٹ میں اپنا ڈیبیو کریں گے۔محمد حارث پاکستان کی جانب سے ٹی ٹونٹی انٹرنیشنل کرکٹ میں ڈیبیو کرنے والے 99 ویں کھلاڑی ہوں گے۔
تفصیلات کے مطابق وکٹ کیپر محمد حارث آج انٹرنیشنل ٹی 20 کرکٹ میں ڈیبیو کریں گے۔
اس حوالے سے پاکستانی کھلاڑی محمد حارث نواز کا کہنا ہے کہ پاکستان کی جانب سے ڈیبیو کرنے پر فخر ہے، ٹی ٹونٹی کرکٹ میں اپنی صلاحیتوں کے مکمل اظہار کی کوشش کروں گا۔
واضح رہے کہ محمد حارث نے 8 جون 2022 کو ویسٹ انڈیز کے خلاف کھیلے گئے ایک روزہ میچ میں ون ڈے انٹرنیشنل میں ڈیبیو کیا تھا۔