ٹی ٹونٹی ورلڈ کپ ،نیوزی لینڈ نے آسٹریلیا کو شکست دیدی

سڈنی (پاک ترک نیوز) ٹی ٹونٹی ورلڈ کپ سپر 12مرحلے کے پہلے میچ میں چیمپئن آسٹریلیا گھر میں ہی ہار گیا ۔نیوزی لینڈ نے آسٹریلیا کو 89رنز سے شکست دیدی۔
تفصیلات کے مطابق ٹی ٹونٹی ورلڈ کپ کے سپر 12مرحلے کے پہلے میچ میں نیوزی لینڈ نے ورلڈ چیمپئن آسٹریلیا کو گھر میں ہی ہرا دیا ۔آسٹریلیا 201رنز کے ہدف کے تعاقب میں 111رنز پر ہی ہمت ہار بیٹھی ۔
آسٹریلیا نے ٹاس جیت کر پہلے فیلڈنگ کا فیصلہ کیا ۔نیوزی لینڈ نے 3وکٹوں کے نقصان پر 200رنز بنائے ۔نیوزی لینڈ کی جانب سے کانوائے 92جبکہ جمی نیشام نے 26رنز کی اننگز کھیلی ۔
آسٹریلیا کی پوری ٹیم 201رنز کے ہدف کے تعاقب میں 111پر آئوٹ ہو گئی ۔ میکسویل نے 28،پیٹ کمنز نے 21رنز بنائے ۔