دورہ نیوزی لینڈ؛ قومی ٹیم کے 17 رکنی اسکواڈ کا اعلان

لاہور(پاک ترک نیوز )نیوزی لینڈ میں پانچ ٹی ٹونٹی میچوں پر مشتمل سیریز کیلئے 17رکنی قومی سکواڈ کا اعلان کردیا گیا ۔ شاہین آفریدی کپتان مقرر کردیئے گئے ۔شاداب خان کو ٹیم سے ڈراپ کردیا گیا۔
تفصیلات کے مطابق لاہور میں پریس کانفرنس کرتے ہوئے قومی ٹیم کے چیف سلیکٹر وہاب ریاض نے 17 رکنی اسکواڈ کا اعلان کیا، جس میں شاہین شاہ آفریدی کو بطور کپتان فرائض سرانجام دیں گے۔
بابراعظم، فخر زمان، محمد رضوان، صائم ایوب، حسیب اللہ خان، محمد نواز، افتخار احمد، حارث رؤف، عامر جمال، اعظم خان، زمان خان، عباس آفریدی، صاحبزادہ فرحان، ابرار احمد، اسامہ میر اور محمد وسیم جونئیر شامل ہیں۔
چیف سلیکٹر وہاب ریاض کا کہنا ہے کہ ڈومیسٹک کرکٹ کھیلنے کے دوران انجری کا شکار ہونے والے لیگ اسپنر شاداب خان کو آرام کیلئے مزید 2 ہفتے درکار ہیں، وہ اپنا ری ہیب جاری رکھے ہوئے ہیں جبکہ نوجوان وکٹ کیپر محمد حارث کو بھی دورہ نیوزی لینڈ کے دوران آرام کروایا گیا ہے۔