روپے کی بے قدری جاری ،ڈالر مزید مہنگا

کراچی(پاک ترک نیوز) روپے کی بے قدری جاری ہے اور امریکی کرنسی ڈالر مزید مہنگا ہو گیا ۔
تفصیلات کےمطابق کاروباری ہفتے کے پہلے روز ہی پاکستانی روپیہ گراوٹ کا شکار ہو گیا ہے، جبکہ امریکی ڈالر کی قدر میں بہتری کا سلسلہ آج بھی برقرار ہے۔
انٹر بینک میں ڈالر کی قیمت میں 35 پیسے کا اضافہ دیکھا گیا ہے جس کے بعد انٹر بینک مارکیٹ میں امریکی کرنسی 215 روپے پر فروخت ہو رہی ہے۔
اوپن مارکیٹ بھی ڈالر کی قیمت 50 پیسے اضافہ اضافہ ہوا ہے جس کے بعد اوپن مارکیٹ میں امریکی کرنسی 219 روپے 50 پیسے پر ٹریڈ کررہی ہے۔
ادھر ڈالر کی قیمت میں مسلسل اضافے کیساتھ سٹاک مارکیٹ میں بھی مندی جاری ہے، سٹاک مارکیٹ میں 392 پوائنٹس کی کمی ہوئی ہے جس کے بعد 100 انڈیکس 42 ہزار 828 پوائنٹس پر ٹریڈ کررہا ہے۔