پاکستان کی ہدف کے تعاقب میں نیوزی لینڈ کیخلاف بیٹنگ جاری

کرائسٹ چرچ (پاک ترک نیوز) نیوزی لینڈ میں جاری سہ ملکی سیریز کے دوسرے میچ میں 148رنز کے ہدف کے تعاقب میں پاکستان کی بیٹنگ جاری ہے ۔
شاہینوں نے 10اوورز کے اختتام پر 83رنز بنائے ہیں اور اس کے 2کھلاڑی آئوٹ ہیں ۔ پاکستان کو میچ جیتنے کیلئے 65رنز درکاری ہیں ۔
اس سے قبل نیوزی لینڈ میں جاری سہ ملکی ٹی ٹونٹی سیریز کے دوسرے میچ میں میزبان نیوزی لینڈ نے پاکستان کو جیت کیلئے 148رنز کا ہدف دیا تھا۔نیوزی لینڈ نے ٹاس جیت کر پہلے بیٹنگ کا فیصلہ کیا اور مقررہ 20اوورز میں 8وکٹوں کے نقصان پر 147 رنز بنائےتھے۔
میزبان ٹیم کی جانب سے کانوائے نے 36جبکہ چیمپمین نے 32اور کپتان کین ولیمسن نے 31رنز کی اننگز کھیلی ۔پاکستان کی جانب سے حارث رئوف نے تین جبکہ محمد وسیم اور محمد نو از نے دو دو کھلاڑیوں کو آئوٹ کیا ۔
یاد رہے کہ سہ ملکی سیریز کے پہلے میچ میں پاکستان نے بنگلہ دیش کو 21رنز سے شکست دی تھی۔