سکردو (پاک ترک نیوز ) وزیراعظم عمران خان نے سکردو انٹرنیشنل ائرپورٹ کا افتتاح کردیا ہے ۔
انٹرنیشنل ائرپورٹ بننے سے اب بین الاقوامی سیاحوں کی بڑی تعداد کو گلگت بلتستان جانے کا موقع ملے گا۔
وزیراعظم عمران خان نے کہا کہ سوئٹزرلینڈ اگر اربوں ڈالر سیاحت سے کما سکتا ہے تو گلگت بلتستان بھی یہ کرسکتا ہے ۔
اپنے ٹویٹراکاؤنٹ پر عمران خان نے سکردو ایئرپورٹ کے اردگرد کے پہاڑوں اور رن وے کے خوب صورت مناظر کی تصاویر بھی دکھائیں ۔
اور اس عزم کا اظہار کیا کہ مقامی وبین الاقوامی سیاحت کو فروغ ملنے سے مقامی افراد کا معیار زندگی بلند ہوگا۔