لاہور(پاک ترک نیوز)پاکستان سپر لیگ (پی ایس ایل )کے نویں ایڈیشن کا 8فروری سے آغاز ہو گا ۔ ٹورنامنٹ 24مارچ تک جاری رہے گا ۔غیر ملکی کرکٹرز کی رجسٹریشن کا عمل بھی شروع کردیا گیا ہے۔
پاکستان کرکٹ بورڈ کی جانب سے جاری کردہ اعلامیے میں کہا گیا ہے کہ پاکستانی کرکٹرز کی کیٹگریز کی تجدید کو جلد حتمی شکل دی جائے گی، جس کے بعد ٹریڈ اور کھلاڑیوں کو برقرار رکھنے کا مرحلہ شروع ہوگا۔
ٹریڈ اور کھلاڑیوں کو برقرار رکھنے کا عمل مکمل ہونے کے بعد دسمبر کے وسط میں نیشنل ٹی ٹوئنٹی کے اختتام پر پی ایس ایل کا پلیئر ڈرافٹ شیڈول کیا جائے گا۔
یاد رہے کہ نیشنل ٹی20 کا فائنل 10 دسمبر کو کراچی میں کھیلا جائے گا۔