ترکیہ میں اناج کے گودام میں دھماکہ ،12افراد زخمی

انقرہ (پاک ترک نیوز) ترکیہ کے صوبہ کوکیلی کے ڈیرنس پورٹ پر ترک اناج بورڈ کے گودام میں زور دار دھماکے کے نتیجے میں کم از کم 12 افراد زخمی ہو گئے۔ دھماکے کی آواز دور دور تک سنائی دی گئی ۔
یہ واقعہ مقامی وقت کے مطابق تقریباً 14:40 پر پیش آیا۔ ترک حکام کی جانب سے واقعے کی تحقیقات کا آغاز کردیا گیا ہے ۔
ابتدائی معلومات کے مطابق واقعے کے وقت گودام کے اندر دھماکے سے کم از کم 12 افراد زخمی ہوئے۔ دھماکا ترک اناج بورڈ ڈپو کی حدود میں ہوا، جس سے ہنگامی ردعمل کے فوری اقدامات کیے گئے۔
حادثے کے بعد آگ بجھانے والے عملے اور ریسکیو اہلکاروں کو جائے وقوعہ کی جانب روانہ کردیا گیا ۔
عینی شاہدین نے بتایا کہ دھماکے کے نتیجے میں دھویں اور گردوغبار کا ایک گھنا ڈھیر نکلا جس نے آس پاس کے علاقے کو اپنی لپیٹ میں لے لیا، جس سے جائے وقوعہ پر افراتفری پھیل گئی۔