نگران وزیراعظم انوارالحق کاکڑ کا اسلام آباد کے پولنگ سٹیشن کا دورہ

اسلام آباد(پاک ترک نیوز) نگران وزیراعظم انوارالحق کاکڑ نے اسلام آباد میں ماڈل سکول فار بوائز جی سکس فور کا دورہ کیا اور الیکشن انتظامات کا جائزہ لیا۔
نگران وزیراعظم نے پولنگ اسٹیشن کا دورہ کیا اور سکیورٹی انتظامات کا جائزہ لیا ، پریذائیڈنگ اور اسسٹنٹ پریذائیڈنگ افسران کی جانب سے وزیراعظم کو بریف کیا گیا ۔
صحافی کے سوال پر کہ ملک بھر میں موبائل سروس بند ہے، وزیراعظم نے جواب دیا کہ موبائل سروس بند ہونے سے کیا مشکلات ہیں اس کا اندازہ ہے ، ٹرن آوٹ کے حوالے سے کوئی بھی بات کرنا قبل ازقت ہوگا۔
نگران وزیراعظم نے میڈیا سے گفتگو کرتے ہوئے کہا کہ انتخابات ابھی تک پرامن ہیں ، کوشش کریں شہری اپنا حق استعمال کریں۔