ایشیا کپ کیلئے کمنٹری پینل کا اعلان، رمیز راجا کی چھٹی

لاہور(پاک ترک نیوز) ایشیاکپ کے براڈ کاسٹر نے ٹورنامنٹ کیلئے کمنڑی پینل کا اعلان کردیا۔
میگا ایونٹ کے کمنٹری پینل میں پاکستان ٹیم کے سابق کپتان وسیم اکرم، وقار یونس، عامر سہیل اور بازید خان شامل ہیں جبکہ رمیز راجا کو شامل نہیں کیا گیا ہے۔
بھارتی ٹیم کے سابق کھلاڑیوں میں ہربھجن سنگھ، روی شاستری، گوتم گھمبیر، عرفان پٹھان، سجنے بنگر اور پیوش چاؤلہ کمنٹری پینل میں شامل ہیں۔
اینڈی فلاور، میتھیو ہیڈن کے علاوہ سری لنکا کے سابق کپتان مارون اتاپتو بھی کمنٹری کرتے دکھائی دیں گے۔
یاد رہے کہ ایشیاکپ کا افتتاحی میچ 30 اگست کو ملتان میں پاکستان اور نیپال کے درمیان شیڈول ہے جبکہ روایتی حریف پاکستان اور بھارت کے درمیان میچ 2 ستمبر کو کینڈی میں کھیلا جائے گا۔