امریکہ میں فلسطینیوں کی حمایت میں مظاہرے ،متعدد سڑکیں بلاک

واشنگٹن (پاک ترک نیوز) امریکہ میں فلسطینی کے خایموں کے مظاہرے کے باعث متعدد سڑکیں بلاک ہوگئیں ۔
تفصیلات کےمطابق فلسطین کے حامی مظاہرین نے ریاست الینوائے، کیلیفورنیا، نیویارک اور پیسیفک نارتھ ویسٹ کی اہم سڑکوں کو بلاک کر دیا ہے، جس سے امریکہ کے سب سے زیادہ استعمال ہونے والے ہوائی اڈوں، گولڈن گیٹ اور بروکلین پلوں پر اور ایک مصروف مغربی ساحل کے ساتھ ساتھ سفر کو عارضی طور پر روک دیا گیا ہے۔
شکاگو میں مظاہرین نے بین الاقوامی ہوائی اڈے کی طرف جانے والی انٹراسٹیٹ 190 کی لین کو بلاک کر دیا۔
مظاہرین کا کہنا تھا کہ یہ عالمی "فلسطین کو آزاد کرنے کے لیے اقتصادی ناکہ بندی” کا حصہ ہے۔
مظاہرین کا کہنا ہے کہ انہوں نے جزوی طور پر O’Hare کا انتخاب کیا کیونکہ یہ امریکہ کے سب سے بڑے ہوائی اڈوں میں سے ایک ہے۔
پولیس نے درجنوں مظاہرین کو گرفتار کرلیا جبکہ شکاگو پولیس نے کہا کہ "متعدد لوگوں” کو احتجاج کے بعد حراست میں لیا گیا جہاں لوگوں نے ٹریفک میں رکاوٹ ڈالی لیکن گرفتار افراد کی تعداد ظاہر نہیں کی گئی ہے ۔