پارا چنار میں سکول میں فائرنگ ،6اساتذہ جاں بحق

پاراچنار(پاک ترک نیوز) پارا چنار میں مسلح افراد کی فائرنگ کے نتیجے میں 6اساتذہ جاں بحق ہو گئے ۔حادثے میں ایک پولیس اہلکار زخمی بھی ہوا ہے۔
تفصیلات کےمطابق مسلح افراد اسکول میں داخل ہوئے اور اسٹاف روم میں گھس کر اندھا دھند گولیاں چلا دیں۔ جاں بحق اساتذہ گورنمنٹ ہائی اسکول تری منگل میں میٹرک امتحانی ڈیوٹی پر تعینات تھے۔
جاں بحق ہونے والے اساتذہ میں جواد حسین ، میر حسین ، نوید حسین ، جواد علی ، محمد حسین اور علی حسین شامل ہیں۔
ڈی پی او کرم ایجنسی کے مطابق حملے کے سبب ایک پولیس اہلکار زخمی بھی ہوا ہے۔