پہلا ٹیسٹ ، بنگلہ دیش نے نیوزی لینڈ کو 150رنز سے شکست دیدی

سلہٹ (پاک ترک نیوز) بنگلہ دیش نے نیوزی لینڈ کو پہلے ٹیسٹ میچ میں 150رنز سے شکست دیدی۔
تفصیلات کےمطابق بنگلہ دیش کے شہرسلہٹ میں کھیلے گئے دو میچوں کی سیریز کے پہلے ٹیسٹ میچ میں بنگلہ دیش نے ٹاس جیت کر پہلے بیٹنگ کا فیصلہ کیا تھا ۔
بنگال ٹائیگرز نے پہلے بیٹنگ کرتے ہوئے پہلی اننگز میں 310جبکہ دوسری اننگز میں 338رنز بنائے ۔
بنگلہ دیش کی جانب سے پہلی اننگز میں محمود الحسن نے 86،نجم الحسن اور مومن الحق نے 37،37رنز بنائے تھے ۔کیوی ٹیم کی جانب سے پہلی اننگز میں گلین فلپ 4جبکہ جمیسن اور اعجاز پٹیل نے دو دو کھلاڑیوں کو آئوٹ کیا ۔
بلیک کیپس نے پہلی اننگز میں 317رنز بنائے تھے ،کین ولیمسن نے 107جبکہ فلپ نے 42رنز بنائے ۔
بنگال ٹائیگرز کے تیج الاسلام نے 4کھلاڑیوں کو آئوٹ کیا تھا ۔
بنگلہ دیش نے دوسری اننگز میں 338رنز بنائے ۔ نجم الحسن نے 105،مشفق الرحیم نے 67جبکہ مہدی نے ناٹ آئوٹ 50رنز بنائے ۔
کیوی ٹیم نے دوسری اننگز میں 4جبکہ ایش سودھی نے 2کھلاڑیوں کو آئوٹ کیا ۔
نیوزی لینڈ کی پوری ٹیم دوسری اننگز میں 181رنز بناکر پویلین لوٹ گئی ۔ڈیرل مچل نے 58رنز بنائے ۔
بنگال ٹائیگرز کی جانب سے تیج الاسلام نے 6کھلاڑیوں کو پویلین کی راہ دکھائی ۔
تیج الاسلام کو میچ میں 10وکٹیں حاصل کرنے پر میچ آف دی میچ بھی قرار دیا گیا ۔