ترکی میں مہنگائی

ترکی میں معمولات زندگی بحال کرنے کے بعد حکومت نے نجی شعبے سے ملازمین کو فارغ کرنے پر پابندی عائد کر دی ہے۔ دوسری طرف کورونا وائرس کی عالمی وبا کے دوران عوام کو دی جانے والی مالی امداد کا سلسلہ بھی بند کر دیا گیا ہے۔ عالمی وبا کی وجہ سے معاشی سرگرمیاں محدود ہونے سےترکی میں بے روزگاری 14 فیصد تک پہنچ گئی ہے۔ حکومت کا کہنا ہے کہ کورونا وائرس کی تمام پابندیاں ختم کر دی گئی ہیں۔ ریسٹورنٹس، کیفیز، سینما گھر، شاپنگ مالز اور دیگر عوامی مقامات کی رونقیں بحال کر دی گئی ہے۔ تمام قسم کے کرفیو ختم ہو گئے…

ترکی میں گھریلو اور صنعتی استعمال کی گیس اور بجلی کی قیمتیں بڑھا دی گئیں۔ گیس فراہم کرنے والی کمپنی بوتاش نے گھروں میں استعمال ہونے والی گیس کی قیمت میں 12 فیصد اضافہ کر دیا۔ صنعتوں کے لئے گیس 20 فیصد مہنگی کر دی گئی۔ گیس سے بجلی پیدا کرنے والے کارخانوں کے لئے بھی گیس کی قیمت 20 فیصد بڑھ گئی۔ اس سال جنوری سے اب تک گیس کی قیمتوں میں یہ ساتواں اضافہ ہے۔ بوتاش کا کہنا ہے کہ پیداواری لاگت مسلسل بڑھنے سے گیس کی قیمتوں میں اضافے کے سوا کوئی دوسرا چارہ نہیں ہے۔ دوسری طرف بجلی کی قیمتوں میں بھی اضافہ…