آفیشل سیکرٹ ایکٹ کے تحت ملک کی پہلی سپیشل عدالت قائم
اسلام آباد(پاک ترک نیوز) آفیشل سیکرٹ ایکٹ کے تحت ملک میں سپیشل عدالت قائم کر دی گئی ہے۔
ملک بھر میں ابھی تک آفیشل سیکرٹ ایکٹ کی ایک عدالت قائم کی گئی جو اسلام آباد میں ہے، قانون کے مطابق آفیشل سیکرٹ ایکٹ کے تحت درج مقدمات کی سماعت ان کیمرا ہو گی۔
آفیشل سیکرٹ ایکٹ عدالت کا اضافی چارج انسداد دہشتگردی عدالت کے جج کو سونپ دیا گیا ہے، جج ابوالحسنات آفیشل سیکرٹ ایکٹ کے تحت درج مقدمات کی سماعت کریں گے۔
سائفر کیس میں گرفتار وائس چیئرمین پی ٹی آئی شاہ محمود قریشی کو آفیشل سیکرٹ ایکٹ عدالت میں کچھ دیر بعد پیش کیا جائے گا۔