انگلش کپتان کی طبیعت ناساز ہونے کے باعث ٹیسٹ ٹرافی کی رونمائی کی تقریب ملتوی
راولپنڈی (پاک ترک نیوز) انگلینڈ کے کپتان بین سٹوکس کی طبیعت ناساز ہو گئی جس کے باعث ٹیسٹ سیریز ٹرافی کی رونمائی کی تقریب ملتوی کردی گئی ۔
پاکستان اور انگلینڈ ٹیسٹ سیریز کی ٹرافی کی تقریب رونمائی اب کل ہوگی، بین اسٹوکس اور بابراعظم کل ٹیسٹ سیریز کی ٹرافی کی رونمائی کریں گے۔پاکستان کے خلاف پنڈی ٹیسٹ شروع ہونے سے ایک دن قبل انگلینڈ کے کپتان بین اسٹوکس کی طبیعت ناساز کے باعث تقریب ملتوی کی گئی۔
انگلش کرکٹ بورڈ کے مطابق بین اسٹوکس کی طبعیت کی ناسازی کی وجہ سے دیگر کھلاڑی اور آفیشلز پنڈی سٹیڈیم نہیں آئے۔
ای سی بی کے مطابق انگلینڈ ٹیسٹ سکواڈ کے متعدد کھلاڑی اور آفیشلز آج ہوٹل میں ہی ٹھہریں گے، کھلاڑیوں اور آفیشلز کو ہوٹل میں مکمل آرام کرنے کی ہدایت کی گئی ہے۔