ایشیا کپ ،فائنل سے قبل فائنلسٹ ٹیمیں آج مد مقابل
دبئی (پاک ترک نیوز) متحدہ عرب امارات میں جاری ایشیا کپ 2022میں فائنل سے پہلے فائنلسٹ مد مقابل آئیں گی ۔دبئی میں کھیلا جانے والا میچ پاکستانی وقت کے مطابق شام 7 بجے شروع ہوگا۔
تفصیلات کے مطابق یو اے ای کے شہر دبئی میں جاری ایشیا کپ ٹی ٹوئنٹی کے سپر فور مرحلے کے آخری میچ میں آج پاکستان اور سری لنکا ایک دوسرے کا مقابلہ کریں گے، جس کے بعد یہی دونوں ٹیمیں فائنل میں ایشیا کپ کے ٹائٹل کیلئے میدان میں اتریں گی۔دونوں ٹیمیں سپر فور مرحلے میں ابھی تک ناقابل شکست ہیں اور دونوں نے ہی بھارت اور افغانستان کو سپر فور مرحلے میں شکست سے دوچار کر کے ایونٹ سے آئوٹ کیا ہے ۔
جبکہ گزشتہ رات کے میچ میں ایشیا کپ ٹی ٹوئنٹی ٹورنامنٹ کے سپر فور مرحلے میں بھارت نے اپنے آخری میچ میں افغانستان کو باآسانی 101 رنز سے شکست دے دی تھی۔
یاد رہے کہ ایشیا کپ کا فائنل پاکستان اور سری لنکا کے درمیان 11 ستمبر کو کھیلا جائے گا۔