ایشیا کپ ، سپر فور میں رسائی کیلئے پاکستان کو ہانگ کانگ کا چیلنج درپیش
شارجہ(پاک ترک نیوز) متحدہ عرب امارات میں جاری ایشیا کپ ٹی ٹونٹی ٹورنامنٹ میں سپر فور میں رسائی کیلئے پاکستان کو ہانگ کانگ کا چیلنج درپیش ہے۔ صرف جتنے کی صورت میں شاہین سپر فور کا ٹکٹ کٹواسکیں گے ۔
تفصیلات کے مطابق یو اے ای میں جاری ایشیا کپ میں پاکستان اور ہانگ کانگ کی ٹیمیں آج شارجہ میں مدمقابل ہوں گی۔ میچ پاکستانی وقت کے مطابق شام 7 بجے شروع ہوگا۔
آج کا میچ ناک آؤٹ ہوگا، جیتنےوالی ٹیم سپر فور مرحلے کیلئے کوالیفائی کرے گی جبکہ ہار کی صورت میں اس ٹیم کا ایشیا کپ 2022 کا سفر ختم ہوجائے گا۔
ایشیا کپ میں 6 بہترین ٹیموں کو 2 گروپس میں تقسیم کیا گیا، پاکستان گروپ اے میں بھارت اور ہانگ کانگ کے ساتھ جبکہ گروپ بی میں سری لنکا ،افغانستان اور بنگلادیش کی ٹیمیں شامل ہیں۔
دونوں گروپ کی ٹاپ دو ٹیمیں سپر فور مرحلے کیلئے کوالیفائی کریں گی جس کا آغاز 3 ستمبر سے ہوگا۔