بلغاریہ : بس میں آتشزدگی سے بچوں سمیت46 افراد ہلاک

صوفیا(پاک ترک نیوز) بلغاریہ کے مغربی علاقے میں ہائی وے پر چلتی بس میں آتشزدگی سے بچوں سمیت46افراد ہلاک ہو گئے ۔ حادثے میں سات افراد زخمی بھی ہوئے ہیں ۔ریسکیور اہلکاروں نے موقع پر پہنچ کر امدادی سرگرمیوںمیں حصہ لیا۔
بلغاریہ کی وزارت داخلہ کے حکام کے مطابق بس مغربی بلغاریہ کی ہائی وے پرجار رہی تھی کہ اچانک آگ بھڑک اٹھی جس کے نتیجے میں 46افراد ہلاک اور7زخمی ہوگئے۔ہلاک اورزخمی ہونے والوں میں بچے بھی شامل ہیں تاہم بچوں کی صحیح تعداد ابھی سامنے نہیں آسکی۔۔
ہلاک اور زخمی افراد کو ہسپتال منتقل کردیا گیا ہے جبکہ حکام نے ہلاکتوں میں اضافے کا خدشہ بھی ظاہر کیا ہے ۔ حادثے کی تحقیقات جاری ہیں ۔