ترکی کا 10 سال کے ڈالر بونڈز جاری کرنے کا فیصلہ
ترکی نے دس سال کے ڈالر بونڈز جاری کرنے کا فیصلہ کیا ہے۔ ترک وزارت خزانہ نے تین بینکوں کو ڈالر بونڈز جاری کرنے کا اختیار دے دیا ہے۔ گولڈ مین سیک، ہانگ کانگ شنگھائی بینکنگ کارپوریشن (ایچ ایس بی سی) اور مورگن سٹینلے ترکی کے لئے عالمی مالیاتی مارکیٹ میں ڈالر بونڈز کا انتظام کریں گے۔
ترک وزارت خزانہ نے یہ فیصلہ بیرونی قرض حاصل کرنے کے پروگرام کے تحت کیا ہے۔ یہ ڈالر بونڈز آئندہ سال جاری ہوں گے جن کی میچورٹی 2031 میں ہو گی۔
ابھی تک یہ فیصلہ نہیں ہوا کہ ترکی کتنی مالیت کے ڈالر بونڈز جاری کرے گا۔