ترک اداکار انگین التان سے فراڈ کے ملزم کاشف ضمیر کی ضمانت منظور

لاہور(پاک ترک نیوز) ترک اداکار انگین التان المعروف ارطغرل غازی سے فراڈ کے ملزم میاں کاشف ضمیر کو ایک مقدمے میں ضمانت مل گئی ۔ لاہور کی مقامی عدالت میں میاں کاشف ضمیر کے وکیل نے موقف اختیا رکیا کہ پولیس نے کاشف ضمیر کو بلاوجہ مختلف مقدمات میں نامزد کررکھا ہے ، علامہ اقبال ٹاؤن میں ڈکیتی کے مقدمے کے مدعی نے بیان حلفی لکھ کر دے دیا ہے کہ اگر عدالت ضمانت منظو رکرلے تو اسے کوئی اعتراض نہیں ، دلائل سننے کے بعد عدالت نے کاشف ضمیر کی ضمانت منظور کرتے ہوئے پچاس ہزار روپے کے مچلکے جمع کرانے کا حکم دے دیا ۔
میاں کاشف ضمیر کو ترک اداکار انگین التان کی جانب سے فراڈ کیے جانے پر مقدمے کی درخواست پر گرفتار کیا گیا تھا ، اس سے پہلے بھی میاں کاشف ضمیر فراڈ اور دھوکادہی کے مختلف مقدمات میں اشتہاری تھے ۔