خیبر پختونخوا کے مختلف علاقوں میں کل سے برفباری کا امکان

پشاور(پاک ترک نیوز) خیبر پختونخوا کے مختلف علاقوں میں کل سے بارشوں اور برفباری کا امکان ہے ۔اس کے ساتھ ساتھ ہواؤں کا نیا سلسلہ شروع ہونے کا امکان ہے جو پیر کےروز تک وقفے وقفے سے جاری رہے گا۔
محکمہ موسمیات کے مطابق بالائی اضلاع میں برفباری کا امکان ہے جس سے درجہ حرارت میں کمی ہوسکتی ہے۔
ڈی جی پی ڈی ایم اے نے تیز بارشوں، برفباری اور ژالہ باری کے پیش نظر متعلقہ اداروں کو پیشگی اقدامات اٹھانے کی ہدایات کردی۔
مراسلے میں کہا گیا کہ بالائی اضلاع میں برفباری سے رابطہ سڑکوں بند ہو سکتی ہے ۔ ضلعی انتظامیہ چھوٹی بھاری مشینری کی دستیابی یقینی بنائیں۔ سیاحوں کو موسمی صورت حال سے آگاہ کیاجائے۔