رواں مالی سال کے دوران ترسیلا ت زر 31.2ارب ڈالر کی ریکارڈ سطح پر پہنچ گئیں

کراچی (پاک ترک نیوز) رواں مالی سال کے دوران ترسیلات زر 31.2ارب ڈالر کی ریکارڈ سطح پر پہنچ گئیں ۔
تفصیلات کےمطابق سٹیٹ بینک کے مطابق مالی سال 22 میں بیرون ملک پاکستانیوں نے31.2ارب ڈالر کی ترسیلات پاکستان بھیجیں۔ سٹیٹ بینک کے مطابق ترسیلات زر زیادہ تر سعودی عرب،متحدہ عرب امارت،برطانیہ اورامریکا سے بھیجی گئیں۔
مالی سال 2022میں ترسیلات زر ریکارڈ سطح تک بڑھ گئیں۔ رواں مالی سال ترسیلات زر 31.2 ارب ڈالر ہوگئیں۔جون 2022 میں بیرون ممالک سے 2.76 ارب ڈالر کی ترسیلات بھیجی گئیں۔دو ارب ماہانہ ترسیلات بھیجے جانے کا یہ 25 واں مہینہ ہے۔
سٹیٹ بینک کے اعلامیے کے مطابق ترسیلات زر میں گزشتہ سال کی نسبت 18.4 فیصد اضافہ ریکارڈ کیا گیا۔