ریال میڈرڈ یو رپین چیمپئنز لیگ کے سیمی فائنل میں پہنچ گئی

میڈرڈ (پاک ترک نیوز)
اسپینش کلب ریال میڈرڈ نےاپنے برطانوی حریف چیلسی کے خلاف 5-4کی مجموعی جیت کے ساتھ یو رپین چیمپئنز لیگ کے سیمی فائنل میں جگہ بنالی ہے۔
گذشتہ شب یہاں سینٹ یاگو برنابیو اسٹیڈیم میں کھیلے گئے میچ میںچیلسی نے 15ویں منٹ میں میسن ماؤنٹ کے گول سے برتری حال کی۔جو 51ویں منٹ میںانتونیو روڈیگر کے زبردست ڈائیونگ ہیڈر کے ذریعے0-2ہوگئی۔پھربلیوز کا تیسرا گول ٹیمو ورنر نے 75ویں منٹ میں کیا۔
پانچ منٹ کے بعد، ریئل میڈرڈ کے روڈریگو نے لوکا موڈرک کی مدد سےمقابلہ1-3کر دیا۔ چنانچہ کوارٹر فائنل میچ اضافی وقت میں چلا گیا کیونکہ ریال میڈرڈ نے پہلے مرحلے میں چیلسی کو1-3سے شکست دی تھی۔اضافی وقت میںپہلے میچ میں ہیٹ ٹرک کرنے والے کریم بینزیما نے 96ویں منٹ میں ونیسیئس جونیئر کی مدد سے چیلسی کے جال میں ہیڈر کر کے گول کیا۔
اس نتیجے کے ساتھ، ہسپانوی ٹیم ایگریگیٹ کی بنیاد پر چیلسی سے 3-2 سے ہارنے کے باوجود 5-4 کی مجموعی جیت کے ساتھ گذشتہ 12 سیزن میں اپنے 10ویں چیمپئنز لیگ سیمی فائنل میں پہنچی گئی۔