سات یورپی ممالک میں یوکرینی سفارتخانوں کو خونی پیکچز موصول

کیف (پاک ترک نیوز) سات یورپی ممالک میں یوکرینی سفارت خانوں اور قونصل خانوں کو جانوروں کی آنکھوں والے پارسل بھیجے گئے ہیں۔پارسلز ملنے کے بعد پولیس نے اسپین کے دارالحکومت میں جاسوس کتوں کی مدد سے علاقے میں تلاش شروع کردی۔
یوکرین کی وزارت خارجہ کے ترجمان نے بتایا کہ یہ پیکیجز محلول میں ڈوبے ہوئے ہیں، جس کا رنگ اور خوشبو مخصوص تھی، ہنگری، نیدرلینڈز، پولینڈ، کروشیا اور اٹلی کے شہر نیپلز اور پولینڈ کے شہر کارکو کے قونصل خانوں سمیت برونو کے قونصل خانے میں بھی بھیجے گئے۔یوکرین اور سپین کے حکام نے اس بات کی تصدیق کی ہے کہ خونی پیکیجز یورپ بھر میں یوکرین کے سفارتی مشنز کو بھیجے گئے ہیں، جس پر باہر کے ملک کی اسٹیمپ بھی لگائی گئی ہے۔
ترجمان کا کہنا ہے کہ اس کے پیچھے چھپے پیغام کو سمجھنے کی کوشش کر رہے ہیں۔
واضح رہے ایک ہفتہ قبل سپین میں یوکرین کے سفارت خانے سمیت وزیراعظم پیڈرو سانچز اور میڈرڈ میں امریکی سفارت خانے کے ایڈریس پر 6بم والے پارسل بھیجے گئے تھے، جس کے بعد سیکیورٹی سخت کردی گئی تھی۔