سعودی عرب نے دنیا کی سب سے بڑی ڈاک ٹکٹ کا ریکارڈ اپنے نام کر لیا

ریاض (پاک ترک نیوز)سعودی محکمہ ڈاک نے دنیا کی سب سے بڑی 5.95 مربع میٹرقطرکی ڈاک ٹکٹ تیار کرکے عالمی ریکارڈ قائم کردیا ہے۔ اس ڈاک ٹکٹ میں ریاض سیزن کا لوگو اور اس میں مختلف سرگرمیوں کی عکاسی کی گئی ہے۔
سعودی محکمہ ڈاک کے سربراہ انجینئر آنف بن احمد ابانمی نے کہا ہے کہ دنیا کی سب سے بڑی ڈاک ٹکٹ کی تیاری اسی مواد سے ہوئی ہے جس سے حقیقی ڈاک ٹکٹ کی تیاری ہوتی ہے۔انہوں نے مزید کہا کہ دنیا کی سب سے بڑی ڈاک ٹکٹ کا قطر 5.95 مربع میٹر ہے۔
جبکہ اس سے پہلے درج شدہ بڑی ڈاک ٹکٹ کا قطر 4.11 مربع میٹر تھا اور یہ والٹ ڈیزنی کی تھی۔