سیرالیون ،ٹینکر سے تیل جمع کرنیوالے 91افراد آتشزدگی کے باعث ہلاک

فری ٹاؤن(پاک ترک نیوز) مغربی افریقی ملک سیرا لِیون میں ایک تیل بردار ٹینکر اور بس میں تصادم ہوگیا۔ تصادم کے نتیجے میں آئل ٹینکر سے تیل روڈ پر بہنے لگا۔حادثے کا شکار ٹینکر سے بہنے والا تیل لوگ جمع کر رہے تھے کہ اچانک زوردار دھماکا ہوگیا جس میں 91افراد ہلاک ہوگئے۔
سڑک پر بہتے تیل کو چوری کرنے کے لیے لوگوں کی بڑی تعداد جمع ہوگئی اور اسی دوران ٹینکر میں دھماکے کے بعد خوفناک آگ بھڑک اُٹھی جس میں جل کر 91افراد ہلاک ہوگئے۔
فائر بریگیڈ کے عملے نے 4 گھنٹوں میں آگ پر قابو پایا۔ ریسکیو ادارے نے امدادی کاموں کا آغاز کرتے ہوئے 100 سے زائد افراد کو قریبی ہسپتال منتقل کیا ہے جہاں 90 ہلاکتوں کی تصدیق کی گئی ہے۔
یاد رہے کہ پاکستان میں 2017کو ایسا ہی حادثہ احمد پور شرقیہ میں ہوا تھا جس میں 149افراد جاں بحق ہو گئے تھے۔