قیمتوں میں اضافہ 2022 ء تک جاری رہے گا ، فرانسیسی وزیرخزانہ

پیرس (پاک ترک نیوز )فرانسیسی معیشت اور وزیر خزانہ برونو لی مائر کا خیال ہے کہ 2022 میں توانائی اور اجناس کی قیمتوں میں اضافہ جاری رہے گا۔وزیر نے زور دیا کہ قیمتوں میں اضافہ سٹیل ، ایلومینیم ، لکڑی ، تیل کی مصنوعات اور گیس کی قلت کی وجہ سے ہوا ہے۔
بہت سے لوگ دعوی کرتے ہیں کہ قیمت میں اضافہ عارضی ہےلیکن یہ سب اس بات پر منحصر ہے کہ آپ اس لفظ سے کیا مراد لیتے ہیں۔ لی مائر نے کہا وہ ذاتی طور پر 2022 کے اختتام تک بہتری کے کوئی امکانات نہیں دیکھتے ۔
لی مائر کے مطابق ، ایندھن کی قیمتوں میں تیزی سے اضافے کے لیے فرانسیسی کو معاوضہ دیا جا سکتا ہے اور وہ معاشی صورتحال سے سب سے زیادہ متاثرہ خاندانوں کی مدد کے لیے اقدامات کے حامی ہیں۔
فرانس میں بجلی کی قیمتوں میں اضافے سے کئی کارخانے بند ہورہے ہیں اور مہنگی بجلی نے کاروبار اور صنعت کو مشکلات سے دوچار کردیا ہے ۔