ملائیشیا میں کشتی ڈوبنے سے 18افراد ہلاک

کوالا لمپور(پاک ترک نیوز) ملائیشیا میں خراب موسم کے باعث کشتی الٹنے سے 18افراد ہلاک ہو گئے جبکہ 14افراد کو بچا لیا گیا ۔ کشتی میں کل 50افراد سوار تھے۔
تفصیلات کے مطابق ملائیشیا کی وزارت صحت کا کہنا ہے کہ کشتی ڈوبنے کا حادثہ تینجنگ بلاؤ کے سمندری علاقے میں پیش آیا۔ حادثے کا شکار کشتی میں 50غیرقانونی مہاجرین سوارتھے۔ ڈوبنے والے 14افراد کوبچا لیا گیا۔
حکام کے مطابق کشتی خراب موسم کے باعث ڈوبی جبکہ لاپتہ افراد کی تلاش جاری ہے۔ ریسکیو آپریشن میں 133اہلکارحصہ لے رہے ہیں۔ تیز ہوائیں اورشدید بارش آپریشن میں رکاوٹ کا سبب بن رہی ہیں۔