ملتان ٹیسٹ اور سیریز انگلینڈ کے نام

ملتان (پاک ترک نیوز) انگلینڈ نے دوسرے ٹیسٹ میچ میں پاکستان کو شکست دے کر سیریز بھی اپنے نام کرلی۔
تفصیلات کے مطابق ملتان ٹیسٹ میں مہمان ٹیم انگلینڈ نے پاکستان کو 26رنز سے شکست دے کر سیریز دو صفر سے جیت لی۔
انگلینڈ نے پاکستان کو جیت کیلئے 356رنز کاہدف دیا تھا پاکستانی ٹیم 328رنز پر ہمت ہار گئی ۔
پاکستان کی جانب سے سعود شکیل نے 94،امام الحق نے 60رنز بنائے ۔ انگلینڈ کی جانب سے مارک ووڈ نے چار جبکہ روبنسن اور اینڈرسن نے 2،2کھلاڑیوں کو آئوٹ کیا ۔
انگلینڈ نے پہلی اننگز میں 281اور دوسری اننگز میں 275رنز بنائے تھے جبکہ پاکستان نے اپنی پہلی اننگز میں 202جبکہ دوسری اننگز میں 328رنز بنائے۔
یاد رہے کہ انگلینڈ نے راولپنڈی میں پہلے ٹیسٹ میچ میں بھی پاکستان کو 74رنز سے ہرا تھا ۔ مہمان ٹیم نے دو صفر سے سیریز اپنے نام کرلی ہے ۔میچ کا تیسرا اور آخری ٹیسٹ میچ 17دسمبر سے کراچی میں کھیلا جائے گا۔