ممبئی :رہائشی عمارت میں آتشزدگی سے 7افراد ہلاک

ممبئی (پاک ترک نیوز) بھارت کے شہر ممبئی میں رہائشی عمارت میں آتشزدگی سے 7افراد جھلس کر ہلاک گئے ۔
ممبئی کے علاقے تردیو میں 20 منزلہ عمارت میں اچانک آگ بھڑک اٹھی، آگ 18 ویں منزل پر لگی، جس کے نتیجے میں 7 افراد جھلس کر ہلاک گئے جبکہ 15 سے زائد زخمی ہوئے، زخمیوں میں سے تین کی حالت نازک بتائی جاتی ہے جنہیں قریبی ہسپتالوں میں طبی امداد دی جارہی ہے۔
ریسکیو کی 10 گاڑیوں نے امدادی کارروائیوں کا آغاز کیا ، آگ کی شدت کو مدنظر رکھتے ہوئے فائربریگیڈ نے اسے تیسرے درجے کی آگ قرار دیتے ہوئے مزید فائر ٹینڈر طلب کئے جنہوں نے سخت جدوجہد کے بعد آگ پر قابو پالیا، اس وقت کولنگ کا عمل جاری ہے۔
اٹھارویں منزل پر لگی آگ کے باعث پوری عمارت میں سخت خوف وہراس پھیلا اور رہائشی دیوانہ وار محفوظ مقام کی جانب بھاگنے لگے، جس کے باعث افراتفری کا ماحول پیدا ہوا۔