موسم سرما کی تعطیلات 25دسمبر سے 5جنوری تک کی تجویزپر اتفاق ہوا ہے، شفقت محمود
اسلام آباد(پاک ترک نیوز) وفاقی وزیرتعلیم شفقت محمود کا کہنا ہے کہ موسم سرما کی تعطیلات25 دسمبر سے 5 جنوری تک کی تجویزپر اتفاق ہوا ہے۔ تعطیلات کب سے کب تک ہوں گی این سی او سی کے حتمی اتفاق رائے کے بعد آج فیصلہ کیا جائے گا۔
تعطیلات کے حوالے سے وزیرتعلیم نے کہا کہ بین الصوبائی وزرائے تعلیم اجلاس میں تعطیلات کے بارے میں تمام صوبوں سے سفارشات لے لی گئی ہیں، اور اجلاس میں موسم سرما کی چھٹیاں 25 دسمبر سے 5 جنوری تک کی تجویزپر اتفاق ہوا ہے، تاہم نوٹیفکیشن صوبائی حکومتوں کی جانب سے جاری کیا جائے گا۔