نئی ٹیسٹ رینکنگ جاری ،بھارت کی ایک درجہ تنزلی
دبئی(پاک ترک نیوز) انٹرنیشنل کرکٹ کونسل نے ٹیسٹ چیمپئن شپ کی نئی رینکنگ جاری کردی۔سری لنکا سرفہرست جبکہ پاکستان کا تیسرا نمبر ہے ۔سائوتھ افریقہ سے شکست کے بعد بھارت ایک درجہ تنزلی کے بعد پانچویں پوزیشن پر پہنچ گئی جبکہ جنوبی افریقہ چوتھے نمبر پر آگئی ۔
آئی سی سی ٹیسٹ چیمپئن شپ رینکنگ میں سری لنکا سر فہرست ہے جبکہ آسٹریلیا دوسرے اور پاکستان کی ٹیسٹ چیمپئن شپ رینکنگ میں تیسری پوزیشن ہے۔رینکنگ میں نیوزی لینڈ چھٹے اور بنگلہ دیش ساتویں نمبر پر آیا ہے۔
آئی سی سی نے دو روز قبل ٹیسٹ کھلاڑیوں کی رینکنگ جاری کی تھی جس کے مطابق بلے بازوں میں آسٹریلیا کے مارنوس لابو شین پہلے نمبر پر برقرار ہیں جبکہ انگلینڈ کے جو روٹ رینکنگ میں دوسرے نمبر پر موجود ہیں۔
اسی طرح آسٹریلیا کے اسٹیو اسمتھ تیسرے، نیوزی لینڈ کے کین ولیمسن چوتھے نمبر پر آگئے ہیں اور آئی سی سی رینکنگ میں پاکستان کے بابر اعظم آٹھویں نمبر پر برقرار ہیں۔