نیشنل ٹی20کپ، پہلے میچ میں سندھ نے سدرن پنجاب کو شکست دیدی

راولپنڈی (پاک ترک نیوز) راولپنڈی میں کھیلے جانیوالے نیشنل ٹی 20کپ کے پہلے میچ میں سندھ نے سدرن پنجاب کو 42رنز سے ہرا دیا ۔
سدرن پنجاب نے ٹاس جیت کر پہلے بائولنگ کا فیصلہ کیا ۔ سندھ نے 19.4اوورز میں 147رنز بنائے ۔ سرفراز احمد نے 42جبکہ صائم ایوب نے 30رنز کی اننگز کھیلی ۔پنجاب کی جانب سے ثمین گل اور محمد الیاس نے 3،3کھلاڑیوں کو آئوٹ کیا ۔
سدرن پنجاب کی ٹیم 148رنز کے ہدف کے تعاقب میں 105رنز بنا کر آئوٹ ہو گئی ۔شیرون سراج نے 36جبکہ محمد الیاس نے 19رنز بنائے ۔ سدرن پنجاب کے 7کھلاڑی ڈبل فیگر میں بھی داخل نہیں ہو سکے ۔ سندھ کی جانب سے سہیل خان نے تین جبکہ دانش عزیز اور زاہد محمود نے دو دو کھلاڑیوں کو آئوٹ کیا ۔
سندھ کے سرفراز احمد کو مین آف دی میچ قرار دیا گیا۔