نینسی پلوسی کے شوہر پر گھر میں گھس کر ہتھوڑے سے حملہ

سان فرانسسكو(پاک ترک نیوز) امریکی ایوانِ نمائندگان کی سپیکر نینسی پلوسی کے شوہر پر گھر میں گھس کر ہتھوڑے سے حملہ کیا گیا۔جس کے بعد وہ شدید زخمی ہو گیا ۔پال پلوسی نے زخمی ہونے سے قبل پولیس کو کال کی تھی اور فون کاٹے بغیر رکھ دیا تھا تاکہ پولیس اہلکار حملہ آور کی ان سے گفتگو سن سکیں۔
تفصیلات کے مطابق حملہ آورنے ایوان نمائندگان کی اسپیکر نینسی پلوسی کی سان فرانسسکو میں واقع رہائش گاہ میں گھس کر ان کے 82 سالہ شوہرپال پلوسی پر ہتھوڑے سے حملہ کیا۔
پولیس کا کہنا ہے جب اہلکار نینسی پلوسی کے گھر پہنچے تو حملہ آور ہتھوڑے سے وار کر رہا تھا جسے پولیس نے فوری طور پر روک کر گرفتار کر لیا۔حملہ آور نے گھر میں گھسنے کے بعد دو بار چلا کر پوچھا کہ نینسی کہاں ہے اورکہا کہ جب تک وہ واپس نہیں آتی میں انتظار کروں گا۔ نینسی پلوسی واقعہ کے وقت واشنگٹن میں تھیں۔
نیسنی پلوسی کے شوہر کو زخمی حالت میں اسپتال منتقل کیا گیا جہاں ان کے سر کی سرجری کی گئی۔ ان کی حالت اب تسلی بخش بتائی جاتی ہے۔امریکی ایوان نمائندگان کی اسپیکر82 سالہ نینسی ڈیموکریٹک پارٹی کی اہم رکن ہیں۔ نینسی پلوسی اور پال کی شادی 1963 میں ہوئی تھی اور ان کے 5 بچے ہیں۔