ٹی 20ورلڈ کپ ، آسٹریلین سکواڈ کا اعلان کردیا گیا

لاہور(پاک ترک نیوز) ٹی 20 ورلڈ کپ کیلئے دفاعی چمپئن آسٹریلیا نے اپنے اسکواڈ کا اعلان کر دیا۔
پی ایس ایل میں شاندار کارکردگی کی وجہ سے ٹم ڈیوڈ 15رکنی ٹیم کا حصہ بن گئے ۔ ایرون فنچ بدستور کپتان رہیں گے ۔گزشتہ برس ورلڈ کپ جیتنے والے آسٹریلوی سکواڈ میں ایک تبدیلی کرتے ہوئے میچل سویپسن کو ڈراپ کیا گیا ہے۔
آسٹریلین سکواڈ میں کپتان ایرون فنچ، آشٹن اگر، پیٹ کمنز، میچل مارش ٹم ڈیوڈ، جوز ہیزل ووڈ، جوش انگلس، اور گلین میکسویل شامل ہیں۔ اس کے علاوہ کین رچرڈسن، سٹیو سمتھ، میچل سٹارک، میتھیو ویڈ، مارکس اسٹوئنس، ڈیوڈ وارنر اور ایڈم زمپا کو بھی آسٹریلوی اسکواڈ کا حصہ بنایا گیا ہے۔
آسٹریلیا میں شیڈول ٹی 20 ورلڈ کپ 2022 کی گروپ سٹیج کا آغاز 16 اکتوبر سے ہو گا اور سپر 12 مرحلہ 22 اکتوبر سے شروع ہو گا۔
یاد رہے کہ روایتی حریف پاکستان اور بھارت کا میچ 23اکتوبر کو کھیلا جائے گا۔